عبدالرحمن يوسف...في طب إسكندرية

عبدالرحمن يوسف.....في طب اسكندرية

انطلاقاً مني بمبدأ المشاركة والتغيير ،قررت إني
 أحاول بقدر المستطاع حضور الندوات
واللقاءت ،والنهاردة كان فيه ندوة للشاعر/عبدالرحمن يوسف
 ....قلت وماله نبدأها بالشعر لعله خير

 وكانت الندوة في مدرج 2 عندنا في الكلية
بمركز المعلومات ،وكل طلبة طب اسكندرية
عارفين إن أحنا اكبر مدرج عندنا لا يكفي 300طالب ،
 ودي كانت أول مشكلة تخوفت منها ولكن ربنا ستر
والعدد كان قليل حوالي 120 طالب
بصيت فجاة لقيت الندوة بدأت والضيف 
 دخل المدرج وقعد كمان وانا تقريباً مش شايفاه ،
ودا طبعاً لإن المدرج من الأمام إضاءته ضعيفة جداً‘
 ومع ذلك محدش من المنظمين حاول حتى
 يشوف ايه موضوع الاضاء ولا حتى يتصرفوا فيه

نهايته مش لازم أشوف الشاعر
أهو أغض بصري بردو....واكتفيت بسماع صوته بس

وبدات الندوة بتقديم الشاعر من أحد طلبة الاتحاد
 بعد ما قعد ربع ساعة لا هو عارفنا ولا احنا عارفينه
وبدأ يتكلم واقترح إننا نبدأ الندوة بالأسئلة ،

واللي كانت كلها في إطار سياسي وكانت المفاجأة
 إنه من مؤيدي د/محمد البرادعي وأنا بكره
 اللي يقعد يعمل دعايا لشخص ما ...
بالإضافة لذلك إن المنظمين معظمهم إن لم يكن
 جميعهم من مؤيدي البرادعي،يعني الندوة كانت
بمثابة مؤتمر شعبي للدعايا للدكتور محمد البرادعي،
وعندما سُئل عن اتجاهه السياسي
 قال:أنا قومي عربي وحدوي ،آمل في وطن عربي
 لا تفصله حدود ،وانه لا قيمة لوجود 22 دولة عربية مفككة 
 ولا يوجد اتحاد عربي كالأتحاد الأوروبي مثلاً...
صدق في ذلك .... 
وعندما سُئل عن سبب عدم  تأييد د/يوسف القرضاوي
 ) والد الشاعر ) للثورة البحرينية لأنها شيعية ،بينما دعا
لتأييد كل الثورات العربية الأخرى.

كان رده على العكس تماما، حيث قال: أنه يؤيد
 المطالب المشروعة للشيعة حيث انهم قد ظلموا
من النظام ظلماً شديداً
       ولا بد أن يحصلوا على حقوقهم باعتبارهم
أحد عنصري (الممكلة البحرينية)
وبالنسبة للدولة الدينية فقد اعلن

(رفضه لها, وأن الدولة الاسلامية أيام الرسول (ص

وصحابته كانت قائمة على أساس مدني...
وهنا ضجت القاعة بالتصفيق .....يبدو إن الناس كلها
 مؤيدة لقيام دولة دينية....واضح جدااااااااً

بعد ذلك قام الشاعر بإلقاء بعد قصائده على الحضور،
لم يعجبني سوى قصيدة واحدة

يتحدث فيها عن حصار غزة ،
وحينما كانت الساعة 3:30 جاء وقت رحيلي

قبل انتهاء الندوة ، فغادرت الندوة
غير راضية تمام الرضا

بالنسبة للسلبيات أسردها في النقاط التالية:

 قلة عدد المنظمين وانهماكهم في التصوير
. سوء استقبال للشاعر

 .لم يكن هناك هدف معين من الندوة

 .عدم مناسبة المكان للحدث

عدم كفاية الوقت المتاح للأسئلة حيث لم تجاب
  .العديد من السئلة المطروحة

وأخيراً عرفت إن  فريق القادة الإجتماعيين
 ......مش هو اللي منظمها

وإن الكليه هي اللي منظماها ، أنهي لجنة في الكلية
اللي نظمتها ؟ لا اعلم

.يظهر والله اعلم إنها فعلا كانت
  .حملة دعايا للدكتور البرادعي

    

هذا يكفيني

هذا يكفيني....

ربما هذا كلُ ما تستطيعُ أنْ تقدمَه لي،

أنْ تتحدثَ فأسمع،أو أنْ تكتبَ فأقرأ

فلا أنَا أطْمَعُ فيما هو أكثرُ،ولا أنْتَ 

تستطيعُ أنْ تُقدمَ ما هو أكبرُ من ذلك.

ماسكة القمر بايديا

ماسكة القمر بايديا

فيه أغنية بتقول:(ماسك القمر بايديا)،تقريباً أغنية لعبدالحليم أغلب ظني

طول الوقت كنت بسمعها لكن عمري ما تخيلت إني ممكن أمسكه فعلاً

بس اللي حصل إني مسكته فعلاً...بس دا كان في الحلم .

شفت في الحلم ...القمر كان بيصغر بيصغر وكل ما يصغر يقرب

من الأرض كإنه بيقع يعني...وكل ما يصغر الدنيا تزداد ظلاماً ...

والناس كلها واقفة تتفرج ..ومفيش حد بايده حاجة يعملهاله...

قمت أنا مقربة منه ومسكته بين صوابعي ،لإنه كان أصبح في حجم

البلية تقريباً وكان معايا صاحبتي جنبي....وأنا مسكاه بين صوابعي..

والناس كلها عيونها علينا

قامت صاحبتي ركبتله حاجة ...زي مانكون مثلاً ركبناله مصدر للنور...

وخلال دقايق أوثواني بدأ القمر نوره يزيد وحجمه يكبر

ويرجع تاني يطلع لفوق والناس كلها رجعت تضحك من تاني...

...والدنيا رجعلها نورها من جديد.

الصورة اللي موجودة دي ..أنا اللي رسمتها ..يمكن مش واضحة أوي...

بس كان منظر القمر كده بالظبط وانا مسكاه بين صوابعي..

الصورة دي انا رسمتها يوم 7/12/2010 يعني الحلم دا كان قبلها بيومين تقؤيباً

رئيس مصر القادم

رئيس مصر القادم

من هو رئيس مصر القادم؟؟؟؟؟!!!!!!!!!
أنا شايفة إنه المفروض السؤال دا يشغل بال كل المصريين ولو بنسبة
 10%من تفكيرنا في نصيب كل فرد من ثروة مبارك !!!!!!!!
من ناحيتي أنا مش يهمني مصير أي فرد من عصابة البلطجة اللي
 شرفوا كلهم في طرة دلوقتي لإنه مهما كان اللي حصل واللي
لسه هيحصل فهم خلاص مصيرهم إلي الزوال....
أنا اللي يهمني دلوقتي مين اللي يقدر يقود مصر في تلك الفترة
الحاسمة والحرجة،مين فعلاً اللي حيقدر يعبر بيها لبر الأمان .........
فمن وجهة نظري كمواطنة بسيطة جداًجداًجداً ،ومع احترامي
لجميع المرشحين لهذا المنصب أنا مش شايفة حد منكم
يصلح لرئاسة مصر أبداً....
عمرو موسى....يمكن كلنا شفناه لفترة من الزمن يصلح كرئيس ،
ولكن من جهة فهو ترعرع  في أحضان النظام السابق ،
ومن جهة أخرى شغل منصب رئيس جامعة الدول العربية
وعمرنا ما سمعنا إن الجامعة اجتمعوا على شيء
أو قدروا في يوم يحققوا مطالب شعوبهم.
البرادعي.......لا أنكر دوره في صحوة الكثير من المصريين
وخاصة الشباب ،ولو بمجرد إنه فيه شخص قدر يقول إنه
 حيترشح ضد الفرعون....لكن بردو مش شايفة البرادعي رئيساً لمصر.
د/أحمد زويل....مع كل احترامي لحضرتك تقدر تخدم مصر
أكتر كعالم أحسن من كونك رئيسها..
حمدين الصباحي....فاسمه لوحده كفيل إنه يسقطه في الانتخابات ،
بحس لما بسمع اسمه إني في الكويت أوقطر مثلاً....
مش دا اسم رئيسك يا مصر،،،،طبعاً اكيد الموضوع مش بالأسماء!!!!
الفريق /مجدي حتاتة ...مع كل الاحترام للمؤسسة العسكرية ،،،
مش عايزة رئيسي يكون عسكري للمرة الخامسة
حيث (لا يلدغ المؤمن من جحرين مرتين) فما بالكم لو خمسة!!
.....ويأتي بقية المرشحين وهكذا ،
فأنا لا أرى بينهم رئيسي الذي أحلم به...
عندي كام سؤال لهؤلاء المرشحين :
أين كانت أصواتكم ـ التي تتعالى الآن بالترشح ـ طيلة 30 سنة مضت؟
أين هي إنجازاتكم وكفاحكم طيلة تلك الفترة؟
أين كنتم ومصر تغتصب على مرأى ومسمع من العالم؟
أبن كنتم وشباب مصر يُهان في كل مكان؟
أنتم فشلتم بكل المقاييس في بناء وطن حر وفي هدم الفساد ،
لم نجني من خلفكم سوى كلام في الهوا.
آن الأوان أن تعلنوها مدوية وبكل صراحة أنكم فشلة ،
وأن تتنحوا جانباً بل بعيداً تماماً عن الصورة التي رسمها
شباب مصر بدمائهم ،وألا يحاول الكل أن يعتلي الموجة ويرتفع
على جثث هؤلاء الشهداء ، هؤلاء هم أبناؤها حقاً..........
فعلى كل من فشل أن يترك الساحة لشبابها اللذين حموها
 وافتدوها ،فلم تعد لنا رغبةً في وجودكم ،
كان حقاً عليكم أن تقولوها وأن تسلموا الراية
ـ التي طالما  نكستموها طيلة ما يزيد عن 30 عاماـ لأبنائها
 الأحرار كي ياخذوا بيدها طالما عجزتم....
سيبونا احنا نقرر مصيرنا بنفسنا ....مش حنسيبكم تخربوها تاني.
في النهاية أنا شايفة إن رئيس مصرالقادم لم يُكشف عنه الستار بعد،
وأنه سيكون مفاجأة للجميع............

لعبة القدر

لعبة القدر

قد لا أكون أنا ، وقد لا يكون هو ... ولكن شيئاً ما قد ربطَ بيننا
ولكني اعتقد أنَ أمراً ما سوف يحدثُ عما قريب ، فلا تسألونني
ولكن فلينتظر جميعنا لعبة القدر !!!!!!!!!!!